الرئيسيةالتسجيلدخول

شاطر | 
 

 الجيّدة لا زوجوها برخمه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق المرواح
عضو ما يقصر
عضو ما يقصر
avatar

عدد المساهمات : 35
تاريخ التسجيل : 18/08/2009
العمر : 35

بطاقة الشخصية
القلب:

مُساهمةموضوع: الجيّدة لا زوجوها برخمه   الثلاثاء 25 أغسطس - 19:19

الكلمة اللـي كنّهـا طيـر أبابيـل
ياليـت راعيهـا ببطنـه جعلـهـا
ولاّ فهقها مـن وجيـه الرجاجيـل
ولاّ عـلـى الأقّــل دوّر بدلـهـا
ولاّ جعـل للعقـل وقفـه وتحليـل
ولاّ جعـل لسنـه وطاهـا وأكلهـا
ياشيب عيني ليت ما قيل مـا قيـل
ماكـان جرّتـه بشرابـك حْبلـهـا
لين أصبح وهو كان في منزل سهيل
مثل الجـرادة غيّهـا اللـي قتلهـا
لاشافت أنوار المواتـر مـع الليـل
تقبل تبى منها الدفـا مـن جهلهـا
خلّيت نفسك عرضـة(ن) للبهاذيـل
جرّيت أجلها ما بعـد حـان أجلهـا
لا رحم أبوك الناس ما هم مهابيـل
كانك تبي عـوج الهـروج تعدلهـا
قم وأعقل الجربا قبل تجزع السيـل
وإن كـان مـا عقّلتهـا بنعقلـهـا
ونعلّمـك وشلـون بـدع التماثيـل
كانك ما تفرق جزلها مـن هزلهـا
فإسمع بيوت(ن) ضيّها ضيّ قنديـل
جزله عن هـزال الكـلام نعزلهـا
الأوله ترا الردي مـا معـه حيـل
ياللي تفّـرق ذيبهـا مـن ثعلهـا
زين البكار أفطن لها عادهـا حيـل
يعنـي قبـل تلقـح تنّقـى جملهـا
ياتـي ولدهـا فالسنيـن المقابيـل
إليا أرتكـى لحمـول بقعـا نقلهـا
وتـرا البكـار منقّشـات المناديـل
اللي تروم الطيب من طيـب أهلهـا
أقصدبها بنـت الرجـال المشاكيـل
لامن خذت رجّال مـا هـو فحلهـا
أمـاّ ثلمهـا والسـلال المصاقيـل
ما هي تقّصـر لا نزعهـا ربلهـا
ياعزّتي يـأم الرمـوش المظاليـل
ياسلة(ن) بإيد الربـل مـا صقلهـا
ويا قطع كبدي يالآصايل من الخيـل
لا ركبهـا الهـازل وسمّـي بعلهـا
فيا ربعنا ياأهل الركـاب المحاميـل
ترا الردي كالحنضلـه وإن شملهـا
فالحنظله لو عرقهـا داخـل النيـل
والله ما أنت بذايقن مـن عسلهـا

احد ابداعات الشاعر حمد ابن حربوش ..
الرجوع الى أعلى الصفحة اذهب الى الأسفل
ابن وايل
إدارة الموقع
إدارة الموقع
avatar

في قلبي امي الله يحفظها لي
عدد المساهمات : 141
تاريخ التسجيل : 29/07/2009
العمر : 35

مُساهمةموضوع: رد: الجيّدة لا زوجوها برخمه   الخميس 27 أغسطس - 22:30

الاخ حمد شاعر كبير .. وفاله البيرق


الرجوع الى أعلى الصفحة اذهب الى الأسفل
http://almrwa7.forumr.net
AflAton
إدارة الموقع
إدارة الموقع
avatar

في عقول انااس كبار
عدد المساهمات : 193
تاريخ التسجيل : 03/08/2009
العمر : 24

مُساهمةموضوع: رد: الجيّدة لا زوجوها برخمه   الأحد 6 سبتمبر - 18:51

ونعم والله بالشاعر او فاله البيرق
الرجوع الى أعلى الصفحة اذهب الى الأسفل
????
زائر
avatar


مُساهمةموضوع: رد: الجيّدة لا زوجوها برخمه   الإثنين 7 سبتمبر - 17:14

قصيده جميله من شاعر رائع
الرجوع الى أعلى الصفحة اذهب الى الأسفل
 
الجيّدة لا زوجوها برخمه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القســــــــــــــــــــــــــــــــــــــم الأدبي :: عذب القصايد-
انتقل الى: